“Borussiya” Hummelsə əvəzləyici tapıb

Dortmund “Borussiya”sı “Ştutqart”ın müdafiəçisi Valdemar Antonu almaq niyyətindədir.

Sports.az xəbər verir ki, rusəsilli futbolçu uğrunda Leverkuzen “Bayer”i də mübarizə aparır və “əczaçılar” müraciət də ünvanlayıblar, amma Valdemar Anton Dortmund klubunu seçib.

Sövdələşmənin 22,5 milyon avro məbləğində ola biləcəyi bildirilir.

Dortmund klubunun rəhbərliyi – Lars Rikken, Sebastyan Kel və Sven Mislintat 27 yaşlı Valdemar Antonu, müqaviləsi bitdikdən sonra klubu tərk etmiş alman mərkəz müdafiəçisi Mats Hummelsin əvəzedicisi kimi görürlər.