İspaniya yığmasının mərkəz müdafiəçisi Naço Fernandes AÇ-2024-ün 1/8 finalında iyunun 30-da baş tutacaq baş-başa oyun öncəsi Gürcüstan millisinin vingeri Xviça Kvaratsxeliya haqda fikirlərini paylaşıb.

Sports.az Naçonun bu barədə fikirlərini təqdim edir:

“O, şübhəsiz ki, xüsusi futbolçudur. Biz (“Real” – redaktorun qeydi) keçən mövsüm Çempionlar Liqasında onunla iki dəfə oynamışdıq və deyərdim ki, o, başqa səviyyədədir.

Xviça təkbətək oyunda çox sürətli və son dərəcə yaxşıdır. Onun Gürcüstan komandasının lideri olması və onların cəbhəsində əsas təhlükə mənəbəyi olması şübhə doğurmur. İnsanlar bizi bu oyunda favorit hesab edə bilərlər, amma İspaniya yığması üçün bunun heç bir əhəmiyyəti yoxdur”.