“Naçonun “Real”dan getdiyinə görə çox təəssüflənirəm”

“Real”ın və İspaniya yığmasının sağ cinah müdafiəçisi Daniel Karvaxal “qaymaqlılar”ın 34 yaşlı, arıtq sabiq mərkəz müdafiəçisi və kapitanı Naço Fernandesin İspaniya nəhəngindən ayrılması ilə bağlı söhbət açıb.

Sports.az xatırladır ki, Naço Səudiyyə Ərəbistanının “Əl-Kadisiya” klubu ilə müqavilə imzalayıb.

“Ona uğurlar arzulayıram. Mən Naçonun getdiyinə görə çox təəssüflənirəm, çünki bütün həyatım boyu onunla olmuşam. İstədiyi Çempionlar Liqasını qazanaraq, komandanın vacib oyunçusuna çevrilərək, çox yüksək səviyyədə çıxış edərək, Avropa çempionatına çağırılaraq ayrılır. Bilirəm ki, bu qərarı vermək onun üçün çətin idi, amma düşünürəm ki, bu, onun üçün ən yaxşısıdır və o, müvafiq qərarını verdi”.