Belçika yığmasının baş məşqçisi Domeniko Tedesko komandasının 2024-cü il Avropa çempionatının 1/8 final mərhələsində mübarizəni dayandırdıqdan sonra, öz ünvanına səslənən tənqidlərdən danışıb.

Sports.az xatırladır ki, Belçika yığması Fransa yığmasına məğlub olaraq (0:1), Avropa çempionatı ilə vidalaşıb.

“Müqavilə imzalayanda artıq tənqid üçün mükəlləfsən. Biz uduzarkən, bir çox insan müvafiq bir duyğu püskürməsi yaşayır. Sadəcə cavab verə bilərəm ki, komandama böyük inamım var və nəticə bizim necə oynadığımızla müqayisəedilməzdir. Təəssüf ki, Avropa çempionatında oyunlarımızdakı bütün imkanların yalnız ikisini gerçəkləşdirə bildik.

Bəzi məqamlarda daha çoxuna nail ola bilərdik, bəzilərində isə hər şey olduqca yaxşı idi. Şəxsən mən bundan sonra davam etmək istəyirəm, amma indi bu barədə məndən soruşmağın vaxtı deyil. Bu, məndən yox, Belçika yığmasının özündən asılıdır”.