İngiltərə yığmasının keçmiş futbolçusu Kris Uoddl bildirib ki, Britaniya futbol ictimaiyyəti həmişə futbolçuları tənqid edəcək məqamların axtarışındadır.

Sports.az xəbər verir ki, Uoddlun fikrincə, “Real”ın və Fransa yığmasının ulduz hücumçusu Kilian Mbappe indi Premyer Liqada çıxış etsəydi belə, öz tənqid payını alacaqdı:

“Biz ingilislər həmişə oyunçularda pis tərəflər, mənfi cəhətlər axtarırıq. Onların güclü tərəflərinə baxmaq əvəzinə deyirik: “O, driblinq və ötürmələri yaxşı bacarır, amma bu, hər kəsdə də var. Amma o, başla oynaya bilmir, topları ələ keçirməyi bacarmır, astagək qaçır”.

Mənə elə gəlir ki, Mbappe İngiltərədə oynasaydı, deyərdilər: “O, avaradır. O, topu alanda möhtəşəmdir, amma topsuz çox bərbaddır”. Bura isə İngiltərədir, biz həmişə belə olmuşuq. Fransada isə oyunçular qəbul edilir və hörmət edilir. Bəlkə nə vaxtsa İngiltərədə də belə olacaq. Amma bu anı görəcək qədər yaşayıb-yaşamayacağımı bilmirəm”.