“Atletiko” Qallaxerin keçidində maraqlıdır

Madrid “Atletiko”su “Çelsi”nin və İngiltərə yığmasının yarımmüdafiəçisi Konor Qallaxerin keçidində maraqlıdır.

Sports.az xəbər verir ki, “döşəkçilər” həqiqətən də 24 yaşlı futbolçunu satın almaq istəyirlər, amma Qallaherin transfer qiymətinin çox baha olduğunu düşünürlər.

Daha əvvəl, futbolçunun, “zadəganlar”ın yeni baş məşqçisi, italyan mütəxəssis Entso Mareskanın gəlişi ilə əlaqədar “Çelsi”dən ayrılmaq istədiyi bildirilirdi. İngilis futbolçu italyan mütəxəssisin təbliğ etdiyi oyunun ona uyğun olmadığını düşünür.