Ötən mövsüm icarə əsasında “Brayton”da çıxış etmiş, “Barselona”nın 21 yaşlı hücumçusu Ansu Fati “Fənərbaxça”ya keçə bilər.

Sports.az xəbər verir ki, İstanbul klubunun idman direktoru bu yaxınlarda futbolçunun agenti Jorje Mendeş və “Barselona”nın idman direktoru Deku ilə Ansu Fati haqda danışıb.

“Fənərbaxça”nın baş məşqçisi, portuqal mütəxəssis Joze Mourinyo Fatini yeni layihəsində görmək istəyir və onun yenidən önəmli futbolçu ola biləcəyinə əmindir. Bildirilir ki, “Barselona” futbolçunun xidmətindən yeni mövsümdə istifadə edib-etməmək barədə hələ qərar verməyib: Kataloniya komandasının baş məşqçisi, alman mütəxəssis Hansi Flik mövsümöncəsi məşq başlayanda Fatinin fiziki vəziyyətini qiymətləndirəcək.