Paris 2024
Paris-2024: Bu gün üç güləşçimiz, bir gimnastımız yarışacaq
08.08.2024 | 10:30
Bu gün Azərbaycanın dörd idmançısı Fransanın paytaxtı Parisdə keçirilən Yay Olimpiya Oyunlarında çıxış edəcək.
Sports.az xəbər verir ki, yunan-Roma güləşi üzrə yığmamızın üzvlərindən Həsrət Cəfərov (67 kq) bürünc medal görüşünə çıxacaq.
Bu gün sərbəst güləşçilərimiz də mübarizəyə başlayacaqlar. İlk gündə Osman Nurməhəmmədov (86 kq) və Əliabbas Rzazadə (57 kq) medallar uğrunda mübarizə aparacaq.
Bədii gimnastika yığmamızın üzvü Zöhrə Ağamirova da bu gün mübarizəyə start verəcək.
Olimpiada avqustun 11-də başa çatacaq. Hələlik iki cüdoçumuz - Hidayət Heydərov və Zelim Kotsoyev Olimpiya çempionu olublar. Taekvondoçumuz Qaşım Maqomedov isə gümüş medal qazanıb.
Oxşar xəbərlər
Son xəbərlər
