Sərbəst güləşçilərimizdən biri uduzdu, digəri qalib gəldi

Azərbaycanın sərbəst güləşçisi Əliabbas Rzazadə Fransanın paytaxtı Parisdə keçirilən Yay Olimpiya Oyunlarında mübarizəyə start verib.

Sports.az xəbər verir ki, 57 kq çəki dərəcəsində yer alan idmançı 1/8 final mərhələsində özbəkistanlı Qulomjon Abdullayevlə üz-üzə gəlib.

Rzazadə rəqibinə məğlub olub - 4:11. Abdullayev finala çıxsa, təmsilçimiz sabah təsəlliverici görüşə qatılacaq.

86 kq-da mübarizə aparan digər güləşçimiz Osman Nurmaqomedov da bu gün mübarizəyə başlayıb. O, ilk görüşünə 1/8 finalda çıxıb. Osman monqolustanlı Baasanyarqal Byambasurenlə üz-üzə gəlib. İdmançımız 11:2 hesabı ilə qalib gəlib və 1/4 finala çıxıb.

Olimpiada avqustun 11-də başa çatacaq.