Bu gün Azərbaycanın üç idmançısı Fransanın paytaxtı Parisdə keçirilən Yay Olimpiya Oyunlarında çıxış edəcək.

Sports.az xəbər verir ki, sərbəst güləşçilərimizdən Turan Bayramov (74 kq) və Georgi Meşvildişvili (125 kq) günorta saatlarında ilk görüşlərinə çıxacaqlar.

Bu gün həmçinin bədii gimnastika üzrə qrup hərəkətləri üzrə yığmamız da Olimpiadada mübarizəyə start verəcək.

Gecə saatlarında isə boksçumuz Alfonso Dominqes (92 kq) final döyüşünə çıxacaq.

Olimpiada avqustun 11-də başa çatacaq. Hələlik iki cüdoçumuz - Hidayət Heydərov və Zelim Kotsoyev Olimpiya çempionu olublar. Taekvondoçumuz Qaşım Maqomedov gümüş, güləşçimiz Həsrət Cəfərov isə bürünc medal qazanıb.