Şahmat
Ümumdünya Şahmat Olimpiadası: Millilərimiz mübarizəyə başlayır
11.09.2024 | 11:15
Azərbaycan milliləri bu gün Macarıstanın paytaxtı Budapeştdə start götürəcək 45-ci Ümumdünya Şahmat Olimpiadasında mübarizəyə başlayacaq.
Sports.az xəbər verir ki, kişilərdən ibarət yığma ilk turda İordaniya ilə üz-üzə gələcək.
Qadınlardan ibarət komanda isə Nikaraquanın müqavimətini qırmağa çalışacaq.
Teymur Rəcəbovun kapitanı olduğu kişilərdən ibarət millidə Şəhriyar Məmmədyarov, Rauf Məmmədov, Nicat Abasov, Aydın Süleymanlı və Məhəmməd Muradlı yer alıblar.
Kapitanı Mixail Şereşevski olan qadınlardan ibarət kollektiv isə Günay Məmmədzadə, Gövhər Beydullayeva, Xanım Balacayeva, Ülviyyə Fətəliyeva və Gülnar Məmmədovan ibarətdir.
Oxşar xəbərlər
Son xəbərlər
