Slovakiya millisinin dörd futbolçusu bu gün Azərbaycan yığmasına qarşı keçirəcəkləri UEFA Millətlər Liqasının qrup mərhələsinin 4-cü turunun matçında meydana çıxmayacaq.

Sports.az xəbər verir ki, bunlar müdafiəçilər Denis Vavro, Adam Obert, Timoti Qranika və yarımmüdafiəçi Matuş Berodur.

Vavro cəzalı olduğu üçün görüşü buraxacaq. Digər üç oyunçu isə qonaqların baş məşqçisi Françesko Kaltsonanın qərarı ilə "23-lüy"ə daxil edilməyib.

Tofiq Bəhramov adına Respublika stadionunda gerçəkləşəcək görüş saat 20:00-da başlayacaq.