“Çelsi”nin müdafiəçisi Ris Ceyms Qətərdə keçiriləcək futbol üzrə dünya çempionatında oynamayacaq.

Sports.az Britaniya mətbuatına istinadən xəbər verir ki, Ceyms UEFA Çempionlar Liqasında “Milan”la oyunda (2:0) dizindən zədə alıb.

Baş məşqçi Qaret Sautqeytin Ceymsin sağlamlığını riskə atmamaq üçün bu qərarı verdiyi bildirilir.

Müdafiəçi bu mövsüm London klubunda 11 oyuna çıxıb, 2 qol vurub və 2 məhsuldar ötürmə edib.