Pepe hakimləri və FİFA-nı hədəf aldı: “Argentina çempion ola bilər”
Futbol üzrə Portuqaliya millisinin müdafiəçisi Pepe Qətərdə təşkil olunmuş dünya çempionatının 1/4 final mərhələsində Mərakeşə qarşı keçirdikləri oyunu şərh edib.
Sports.az xəbər verir ki, 39 yaşlı futbolçu 0:1 hesabıyla uduzduqları matçdan sonra hakimləri və FİFA-nı sərt tənqid edib:
“Oyuna nəzarət bizdə idi. Gözləmədiyimiz bir anda qol buraxdıq. Bu oyunu argentinalı bir hakimin idarə etməsini qəbul edə bilmirəm. Ötən gün baş verənlərdən (Argentina – Niderland matçını nəzərdə tutur) sonra bu gün argentinalı hakimlərin Portuqaliyanın oyununu idarə etməzi qəbuledilməzdir. Bu gün gördüklərimə əsasən deyə bilərəm ki, dünya çempionatının kubokunu Argentinaya verə bilərlər.
Matçın əlavə vaxtı az idi. Halbuki, rəqib qapıçı daim oyunu gecikdirməklə məşğul idi. Bunun müqabilində hakim cəmi 8 dəqiqə əlaəv etdi. Bu gün futbol oynamaq istəyən tək komanda Portuqaliya yığması idi. Ancaq oynamağa icazə vermədilər. Üzgünük. Dünya çempionatını qazanacaq keyfiyyətə sahib idik. Təəssüf ki, bunu bacarmadıq”.
"Qətər 2022"ni ETOPAZ təqdim edir
