Şəhid Ülvü Məmmədovun adı əbədiləşdirildi
Quba şəhəri Alekseyevka kəndində Şəhid Ülvü Məmmədovun adını daşıyan Taekvondo Klubu fəaliyyətə başlayıb.
Şəhid Ülvü Məmmədov 29 iyul 1997-ci ildə Alekseyevka kəndində anadan olub.
2015–2017-ci illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub.
O, 2020-ci il Vətən müharibəsi zamanı Cəbrayıl və Xocavənd istiqamətində gedən döyüşlərdə qəhrəmancasına iştirak edib və 21 oktyabr 2020-ci ildə Xocavənd döyüşlərində şəhid olub.
Şəhidimizin adını daşıyan taekvondo klubunun yaradıcısı və direktoru taekvondo üzrə Qara kəmər 3-cü dan sahibi, Quba İOEUGİŞM-in məşqçi-müəllimi Emil Təhməzovdur.
Klubda: Baş məşqçi – Emil Təhməzov
2 köməkçi məşqçi
50 idmançı fəaliyyət göstərir
Klubun idmançıları respublika çempionatlarında yüksək nəticələr qazanıb, eyni zamanda dünya çempionatlarında iştirak etmiş idmançılar da mövcuddur.
Bu idman ocağı şəhidimizin əziz xatirəsinin yaşadılması və gənclərin vətənpərvər ruhda yetişdirilməsi məqsədi daşıyır.
Allah bütün şəhidlərimizə rəhmət eləsin.
Şəhidlər ölməz, Vətən bölünməz!
Sonda onu da qeyd edək ki, şəhidimiz Ülvi Məmmədovun atası Sports.az saytının tarixində ilk yazının müəllifi Vüqar Məmmədov idman yazarı Vüqar Məmmədovdur.
