Azərbaycan çempionatlarında ilin ilk oyunlarının vaxtları bilindi
Qadın və kişi voleybolçular arasında Azərbaycan Yüksək Liqalarında 2026-cı ilin ilk oyunlarının vaxtı açıqlanıb.
Bu barədə Sports.az-a Azərbaycan Voleybol Federasiyasından məlumat verilib.
Kişilərin yarışında 8-ci tura yanvarın 6-da “Neftçi” – “Gənclər” matçı ilə start veriləcək. Qarşılaşma saat 16:00-da başlayacaq. Saat 18:00-da “Ordu” – Murov Az Terminal” görüşü keçiriləcək. Hər iki oyun Fövqəladə Hallar Nazirliyinin (FHN) idman zalında olacaq. 8-ci turun “Gəncə” – “Milli Aviasiya Akademiyası” matçı yanvarın 9-da saat 15:00-da start götürəcək. Bu oyun isə Gəncə İdman Sarayında təşkil ediləcək.
Yanvarın 9-da, saat 16:00-da, FHN-nin idman zalında 2-ci turdan təxirə salınmış “Azerreyl” – “Gənclər” qarşılaşması baş tutacaq.
Qadınların mübarizəsində isə 6-cı turdan təxirə salınmış matç yanvarın 6-da olacaq. Saat 17:00-da “Murov Az Terminal” – “Abşeron” oyunu keçiriləcək. 8-ci turun “Turan” – “Azerreyl” görüşü yanvarın 8-də saat 14:00-da, “DH Volley” – UNEC qarşılaşması saat 18:00-da keçiriləcək. “Gəncə” – “Milli Aviasiya Akademiyası” dueli isə yanvarın 9-da saat 15:00-da başlayacaq.
