“Lənkəran” “Ordu”ya, NTD “Gəncə”yə qarşı

Azərbaycan Basketbol Liqasında bu gün iki oyun keçiriləcək.

Sports.az xəbər verir ki, 15-ci tur çərçivəsində bir qarşılaşma baş tutacaq.

"Lənkəran" evdə "Ordu"nu qəbul edəcək. Matç Lənkəran Olimpiya İdman Kompleksində, saat 15:00-da start götürəcək.

"Ordu" hazırda B qrupunda 27 xalla liderdir. 18 xala malik "Lənkəran" sonuncu - 6-cı pillədə qərarlaşıb.

11-ci turdan təxirə salınmış matçda isə NTD "Gəncə" ilə qarşılaşacaq. Bu oyun saat 20:00-da Bakı İdman Sarayında start götürəcək. "Gəncə" A qrupunda 18 xalla dördüncüdür. Sonuncu - 6-cı yerdə olan NTD-nin 15 xalı var.

15-ci tura fevralın 1-də yekun vurulacaq.