Şahmat
Azərbaycan şahmatçısı Fransa çempionu oldu
![](https://sports.az/file/articles/2024/06/10/1718013867_9b1c9000-cb02-3588-8ced-85cd9faef770_850.jpeg)
10.06.2024 | 15:45
Azərbaycan şahmatçısı Rauf Məmmədov Fransa çempionu olub.
Sports.az Azərbaycan Şahmat Federasiyasının mətbuat xidmətinə istinadən xəbər verir ki, 8 komandanın iştirak etdiyi birincilik 7 turdan ibarət olub.
Rauf Məmmədovun heyətində çıxış etdiyi "Chartres Echecs" 30 xalla bütün rəqiblərini qabaqlayıb. Millimizin üzvü 6 oyunda 2 qələbə qazanıb, 4 dəfə heç-heçəyə razılaşıb. Çempion komandanın kapitanı Fransada yaşayan azərbaycanlı şahmatçı Namiq Quliyev olub.
29 xal toplayan "Bischwiller" ikinci, 27 xala malik "Asnieres le Grand Echiquer" komandası üçüncü yeri tutub.