Azərbaycan çempionatının seçmə yarışları keçiriləcək

Şəmkir Olimpiya İdman Kompleksində şahmat üzrə 8, 10, 12, 14, 16 yaşadək oğlanlar və qızlar arasında Azərbaycan çempionatının seçmə yarışları təşkil olunacaq.

Sports.az xəbər verir ki, turnirlər Azərbaycan Şahmat Federasiyası ilə Gənclə və İdman Nazirliyinin birgə təşkilatçılığı ilə keçiriləcək.

İsveçrə sistemi üzrə 9 turdan ibarət olacaq yarışda yüksək yerlər tutanlar müvafiq yaş qrupları üzrə Azərbaycan çempionatında iştirak hüququ qazanacaqlar. Ölkə çempionatının seçmə yarışlarında Bakıdan əlavə, 20 şəhər və regiondan 230 yeniyetmənin iştirakı gözlənilir.

Yanvarın 25-də başlayacaq turnir fevralın 2-də yekunlaşacaq.