21 yaşadək futbolçulardan ibarət Azərbaycan millisi bu gün AÇ-2025-in seçmə mərhələsində növbəti oyununu keçirəcək.

Sports.az xəbər verir ki, Samir Əliyevin baş məşqçisi olduğu komanda ukraynalı həmyaşıdları ilə üz-üzə gələcək.

İspaniyanın Mursiya şəhərindəki “Nueva Kondomina” stadionunda reallaşacaq qarşılaşma Bakı vaxtı ilə saat 22:00-da başlayacaq. Rəqib 12 xalla liderdir, 3 oyuna 3 xal əldə edən U-21 yığmamız 4-cü pillədə qərarlaşıb.

F qrupunun digər görüşlərində Serbiya Lüksemburqu, İsveçrə Rumıniyanı qəbul edəcək.

AÇ-2025, seçmə mərhələ
21 noyabr

22:00. Ukrayna - Azərbaycan
Baş hakim: İrakli Kvirikaşvili (Gürcüstan).
İspaniya. Mursiya. “Nueva Kondomina” stadionu.