Çempionlar Liqasındakı təmsilçimiz "Qarabağ" Zaqreb "Dinamo"sunu keçsə, qitənin və dünyanın ən yaxşı klublarını Bakıya gətirə bilər.

Azərbaycan çempionu Çempionlar Liqasının əsas mərhələsinə qala bilsə, püşkatmada 3-cü səbətdə yer alacaq. 

1-ci səbətdə "Mançester Siti", "Real Madrid", "Barselona", "Liverpul", PSJ, "İnter", "Bayern Münhen", "Borussiya Dortmund" və "Leypsiq" yer alır.

2-ci səbətdə isə "Qarabağ"ın köhnə tanışı "Bayer Leverkuzen", "Atalanta", "Milan", "Yuventus", "Arsenal", "Atletiko Madrid", "Benfika", "Brügge" və "Şaxtyor" var.

"Dinamo" səddi aşılsa, bu səbətlərin hərəsindən 2 komanda "Qarabağ"ın rəqibi olacaq.

Üçüncü və dördüncü səbətlərin tərkibi isə hələ müəyyənləşməyib.