“Sabah”dan ayrılan Elvin Camalovun yeni klubu müəyyənləşib.

Sports.az xəbər verir ki, o, bundan sonra “Neftçi”nin formasını geyinəcək.

Bu barədə paytaxt klubunun mətbuat xidməti məlumat yayıb.

Yeni komandasında 4 nömrəli formanı geyinəcək 29 yaşlı dayaq yarımmüdafiəçisi ilə 1,5 + 1 il şərti ilə müqavilə bağlanıb.

“Qəbələ”nin yetirməsi olan Camalov “Zirə” və “Sabah” klublarında da çıxış edib. Sonuncu klubu “Sabah”ın kapitanı olmuş təcrübəli futbolçu 2018/19 mövsümündə “Qəbələ” ilə Azərbaycan Kubokunu başı üzərinə qaldırıb. O, milli komandamızın heyətində 20 oyun keçirib.

Xatırladaq ki, Camalovun “Neftçi”yə keçəcəyi barədə Sports.az saytı daha öncə məlumat yaymışdı.