Son illərdə Azərbaycanın yetişdirdiyi ən yaxşı futbolçulardan Elvin Cəfərquliyevə tez-tez Avropa klublarının trsnsfer siyahısında olması haqda informasiyalara rast gəlinir.
"Qarabağ"ın aparıcı simalarından birinə ötən il Belçikanın "Anderlext" klubunun rəsmi təklif göndərdiyi deyilirdi.
İndi isə Macarıstanın "Ferentsvaroş" klubunun 24 yaşlı futbolçuya rəsmi təklif göndərməsi haqda məlumatlar medianın gündəmindədir.

Sports.az saytı məsələ ilə bağlı "Qarabağ" Futbol Klubunun rəsmi mövqeyini öyrənib. Klubun mətbuat xidmətinin rəhbəri Anar Hacıyev Sports.az saytına açıqlamasında bu xəbərləri təkzib edib:

"Elvin Cəfərquliyevə heç bir rəsmi təklif gəlməyib. Hazırda gündəmdə belə məsələ yoxdur".