"Olimpiakos"un prezidenti Evangelos Marinakis bu gecə "Qarabağ"la keçiriləcək oyunöncəsi komandasına fantastik mükafat fondu təyin etdiyini açıqlayıb.

Yunanıstan mediası onun 2 il önc "Qarabağ"la oyunu unuda bilmədiyini yazır.

Xatırladaq ki, o zaman Avropa Liqasının qrup mərhələsinin oyununda ağdamlılar ad-sanlı rəqib üzərində 3:0 hesablı qələbə qazanmışdı. 

Ötən il UEFA Konfrans Liqasında çempion olan "Olimpiakos"un prezidenti hələ də həmin məğlubiyyəti unutmayıb. 

Yunan milyarder qələbə qazanacaqları təqdirdə komandaya 2 milyon avro mükafat ayıracağını bildirib. 

Bu gecə keçiriləcək "Olimpiakos" - "Qarabağ" matçı Bakı vaxtı ilə saat 00:00-da başlayacaq.