U-17 millimizin və Serbiyanın "Srvena Zvezda" klubunun futbolçusu İslam Həsənov klubunu dəyişib.

Sports.az xəbər verir ki, 1 ildən çoxdur Belqrad təmsilçisinin düşərgəsində olan 17 yaşlı hücumçu, nəhayət, Serbiyada oynamaq hüququ əldə edib.

"Srvena Zvezda" oyun praktikası qazanması üçün istedadlı futbolçunu yerli "Qrafiçar" komandasına icarəyə verib.

Qeyd edək ki, İslam Həsənov “Srvena Zvezda”ya “Sabah”dan keçib. O, 2023-cü ildə Bakı klubunun heyətində 76 qolla AFFA U-15 Liqasının bombardiri olub.