Premyer Liqada 21-ci turun açılış matçında "Kəpəz" Tovuzda "Sabah"ı qəbul edir. 

Bu dəqiqələrdə davam edən oyunda hazırda hesab bərabərdir - 1:1.

Oyunun 6-cı dəqiqəsində "Kəpəz"in müdafiəçilərinin kobud səhvindən sonra təyin olunan penaltini ukraynalı forvard Pavel Şafranko reallaşdıraraq qonaqları hesabda önə keçirib. 
Bundan 5 dəqiqə sonra səhv etmək növbəsi "Sabah"ın qapıçısı Yusif İmanova çatıb. Milli komandamızın qolkiperinin hədiyyəsindən məharətlə istifadə edən malili yarımmüdafiəçi Mahamadu Ba bərabərlik qoluna imza atıb. 

Hakimin birinci hissəyə əlavə etdiyi vaxtda "Kəpəz" müdafiəsinin növbəti kobud səhvindən istifadə edən nigeriyalı Cessi Sekidika "Sabah"ın ikinci qolunu vurub.

Hazırda oyunda fasilədir.