Mircavadovun xələfi "Xankəndi"də

Region Liqasının çempionu “Xankəndi” Futbol Klubunun məşqçilər korpusunda yeni təyinat reallaşıb. 

Sports.az xəbər verir ki, İkinci Liqada mövsümün startına hazırlaşan komandanın baş məşqçisi İbrahim Uzuncanın köməkçisi vəzifəsinə Ceyhun Cavadov gətirilib.

32 yaşlı gənc mütəxəssis hazırda həmçinin “Şəfa” klubunun U-16 komandasının baş məşqçisidir. 

O, bundan əvvəl 2 il müddətində “Səbail” klubunun U-17 komandasını çalışdırıb.

U-21 millimizin sabiq üzvü futbolçu karyerası ərzində “Neftçi”, “Rəvan”, “Sumqayıt”, “Kəpəz”, “Şəfa” və digər klubların formasını geyinib.

Qeyd edək ki, Ceyhun Cavadov veteran mütəxəssis Ağasəlim Mircavadovun qardaşının nəvəsidir.