Gənclər yığmamız Bolqarıstana qarşı

21 yaşadək futbolçulardan ibarət Azərbaycan millisi Avropa çempionatının seçmə mərhələsində bu gün növbəti matçına çıxacaq.

Sports.az xəbər verir ki, Ayxan Abbasovun baş məşqçisi olduğu komanda yer aldığı B qrupunda Bolqarıstanla üz-üzə gələcək. 

“Dalğa Arena”da baş tutacaq oyuna saat 18:00-da start veriləcək. Qarşılaşmanı albaniyalı referi Florian Lata idarə edəcək. 

Millimizi bu oyuna Ayxan Abbasovun köməkçisi Elnur Çodarov çıxaracaq.

Qeyd edək ki, U-21 seçmə mərhələdəki ilk matçında Portuqaliyaya 0:5 hesabıyla uduzub.