“Məqsədimiz hər oyunda xal qazanmaqdır” - Kaskilya
"İmişli"nin baş məşqçisi Xorxe Kaskilya Premyer Liqanın 9-cu turu çərçivəsində səfərdə "Kəpəz"ə qarşı keçirdikləri oyundan sonra fikirlərini bölüşüb.
Sports.az xəbər verir ki, o, 3:0 hesablı qələbəyə sevindikləri matçla bağlı bunları söyləyib:
“Bizim üçün çətin durumdur. Vüsal Qənbərov ağır zədə aldı. Bu, komandaya psixoloji cəhətdən mənfi təsir etdi. İlk yarıda bərabər oyun gedirdi. Birinci hissənin sonunda bizə qol lazım idi, onu da vurduq. Fasilədə uşaqlarla söhbət etdik. Bütün oyunçular Vüsalı düşünürdü. Onlar üçün toparlanmaq çətin idi. Söhbərlərdən sonra futbolçuları oyuna kökləyə bildik. 3 qol vurduq. Daha da çox vura bilərdik. Qalibiyyətə layiq idik. Hamımız Vüsalı düşünürük, qələbəni ona həsr edirik. Ayağında sınıq var. Sınığın nə dərəcədə olduğunu hələ ki, bilmirik. Tibbi müayinədən sonra dəqiq biləcəyik
Ötən mövsümlə müqayisədə Premyer Liqada komanda sayı artıb. Bizim məqsədimiz xal saymaq yox, hər oyunda xal qazanmaqdır. Biz sürpriz komandayaıq. Aşağı liqadan gəlsək də, kifayət qədər xal toplaya bilmişik. Texniki məğlubiyyəti saymasaq, komanda olaraq meydanda 15 xal qazanmışıq.
"Qarabağ"la matçdan əvvəl kubok oyunumuz var. Bütün diqqətimiz həmin qarşılaşmadadır. Daha sonra "Qarabağ"ı düşünəcəyik. Əlbəttə ki, "Qarabağ" çox güclüdür, onlarla oyun çətin olacaq”.
