“Qəbələ” Premyer Liqada 200-cü dəfə məğlub oldu

"Qəbələ" Premyer Liqada 200-cü dəfə məğlub olub.

Sports.az Peşəkar Futbol Liqasının mətbuat xidmətinə istinadən xəbər verir ki, "qırmızı-qaralar" Misli Premyer Liqasının IX turunda "Neftçi"yə 0:2 hesabı ilə uduzub.

Bölgə təmsilçisi 549-cu oyununda 200-cü dəfə xalsız qalıb. "Qəbələ" Premyer Liqadakı məğlubiyyət sayında ən çox uduzan 6-cı komandadır. Yalnız "Kəpəz", "Turan", "Şamaxı", "Neftçi" və "Sumqayıt" daha çox görüşdə xalsız qalıb.

Qeyd edək ki, "Qəbələ"nin ilk məğlubiyyəti 2006-cı il avqustun 11-də "MKT-Araz"la səfər matçına təsadüf edib – 1:4.