“Şamaxı” “İmişli”yə, “Qəbələ” “Sumqayıt”a qarşı
Bu gün Misli Premyer Liqasında 11-ci tura start veriləcək.
Sports.az xəbər verir ki, “Zəfər turu”nun ilk günündə 2 oyun baş tutacaq.
“Şamaxı” doğma meydanda “İmişli” ilə üz-üzə gələcək. Şamaxıdakı görüşü Rauf Cabbarov idarə edəcək.
Günün digər oyunu “Qəbələ” ilə “Sumqayıt” arasında keçiriləcək. Qəbələdə baş tutacaq oyunda Rəşad Əhmədov söz sahibi olacaq.
“Araz-Naxçıvan” – “Karvan-Yevlax” və “Zirə” – “Turan Tovuz” oyunları sabah, “Kəpəz” – “Sabah” və “Qarabağ” – “Neftçi” matçları noyabrın 9-da keçiriləcək.
Misli Premyer Liqası
11-ci tur
7 noyabr
“Şamaxı” – “İmişli”
Hakimlər: Rauf Cabbarov, Teymur Teymurov, Tərlan Talıbzadə, Vüqar Həsənli.
Şamaxı şəhər stadionu, 13:44.
“Qəbələ” – “Sumqayıt”
Hakimlər: Rəşad Əhmədov, Namiq Hüseynov, Eyyub İbrahimov, Kamranbəy Rəhimov.
Qəbələ şəhər stadionu, 16:44.
