“Qarabağ” “Napoli” ilə üz-üzə
“Qarabağ” bu gün UEFA Çempionlar Liqasının Liqa mərhələsində növbəti oyununa çıxacaq.
Sports.az xəbər verir ki, Ağdam klubu əsas mərhələnin 5-ci turu çərçivəsində “Napoli” ilə üz-üzə gələcək.
Azərbaycan və İtaliya çempionları Neapolda qarşılaşacaq. “Dieqo Armando Maradona” stadionunda baş tutacaq görüşü Polşadan olan hakimlər briqadası idarə edəcək. Oyunun baş hakimi Şimon Marçinyak olacaq.
Qurban Qurbanovun komandası uğurlu çıxışının davamını gətirməyə çalışacaq. “Napoli” isə nüfuzlu turnirdə uğursuz gedişata son qoymaq iddiasındadır. İtaliya çempionu yarış cədvəlində 4 xalla 24-cü, “Qarabağ” isə 7 xalla 15-cidir.
UEFA Çempionlar Liqası
Liqa mərhələsi, 5-ci tur
25 noyabr
“Napoli” - “Qarabağ”
Baş hakim: Şimon Marçinyak (Polşa).
“Dieqo Armando Maradona” stadionu. Saat 00:00.
