“Araz-Naxçıvan” üçün seminar keçirilib

Bu gün “Araz-Naxçıvan”ın əsas komandası üçün hakimlik məsələləri və oyun qaydaları ilə bağlı seminar təşkil olunub.

Sports.az xəbər verir ki, seminarda AFFA-nın Hakimlər Departamentinin mütəxəssisi, keçmiş FİFA referisi Orxan Məmmədov, komandanın futbolçu və məşqçi heyəti iştirak ediblər.

Komitə təmsilçisi hakimlik və oyun qaydaları haqda danışıb, bu mövzuda sualları cavablandırıb, videoçarxda nümayiş olunan oyun epizodlarını şərh edib, eyni zamanda epizodlarla bağlı müzakirələr aparılıb.