“Zirə” “Qarabağ”la üz-üzə

Bu gün Misli Premyer Liqasında 14-cü tura start veriləcək.

Sports.az xəbər verir ki, ilk gündə bir oyun baş tutacaq.

Lider “Qarabağ” əsas izləyicisi “Zirə”nin qonağı olacaq. Meydan sahibləri qələbə qazana bilsələr, zirvəyə şərik olacaqlar.

“Karvan” – “Şamaxı” matçı sabah, “Qəbələ” – “Turan Tovuz” və “Sabah” – “Neftçi” oyunları 8 dekabrda, “Araz-Naxçıvan” – “Kəpəz” və “Sumqayıt” – “İmişli” görüşləri isə 9 dekabrda keçiriləcək.

Misli Premyer Liqası
14-cü tur
6 dekabr

“Zirə” – “Qarabağ”
Hakimlər: Rauf Cabbarov, Elşad Abdullayev, Pərvin Talıbov, Vüqar Həsənli.
Zirə İdman Kompleksinin stadionu, 17:00.