“Şamaxı” “Zirə”yə, “Turan Tovuz” “Sabah”a qarşı
Bu gün Misli Premyer Liqasında 15-ci tura start veriləcək.
Sports.az xəbər verir ki, ilk gündə 2 oyun baş tutacaq.
“Şamaxı” “Zirə” ilə qarşılaşacaq. Şamaxı şəhər stadionunda keçiriləcək oyunu İnqilab Məmmədov idarə edəcək.
Günün digər oyunu “Turan Tovuz”la “Sabah” arasında keçiriləcək. Tovuzda baş tutacaq bu görüşün baş hakimi Əliyar Ağayev olacaq.
“Kəpəz” – “Qəbələ” və “Qarabağ” – “Araz-Naxçıvan” oyunları 14 dekabrda, “İmişli” – “Karvan-Yevlax” və “Neftçi” – “Sumqayıt” oyunları isə 15 dekabrda keçiriləcək.
Misli Premyer Liqası
15-ci tur
13 dekabr
“Şamaxı” – “Zirə”
Hakimlər: İnqilab Məmmədov, Rəhman İmami, Şirmamed Mamedov, Kamran Əliyev.
Şamaxı şəhər stadionu, 14:00.
“Turan Tovuz” – “Sabah”
Hakimlər: Əliyar Ağayev, Zeynal Zeynalov, Akif Əmirəli, Emin Əliyev.
Tovuz şəhər stadionu, 16:30.
