“Qarabağ”ın qapıçısı 4-6 aylıq sıradan çıxıb

"Qarabağ"ın bud-çanaq oynağından əməliyyat olunan qapıçısı Şahruddin Məhəmmədəliyevin müalicə-bərpa müddəti bəlli olub.

Sports.az kluba istinadən xəbər verir ki, qolkiper 4–6 ay müddətinə yaşıl meydanlardan kənarda qalacaq.

Ötən gün Misli Premyer Liqasının 1-ci turundan təxirə salınan "Sabah"la matçda zədələnən yarımmüdafiəçi Xoni Montiel isə arxa bud əzələsinin gərilməsi səbəbindən müalicə olunur. Onun yaşıl meydanlara qayıdışı 7–10 gün ərzində gözlənilir.

Komandanın digər üzvü Kadi Borqes isə bərpa prosesinin növbəti mərhələsi olaraq yanvarda fərdi məşqlərə başlayacaq.

Hər üç futbolçunun müalicə prosesi "Qarabağ"ın tibbi heyətinin nəzarəti altında davam edir.