Sami Mmae cəzalandırıldı
AFFA İntizam Komitəsinin iclası keçirilib.
Sports.az xəbər verir ki, iclasda Əvəzedicilər Liqasının 21-ci turu ilə bağlı aşağıdakı qərarlar qəbul edilib:
“Şamaxı-2” – “Sumqayıt-2” oyununun 47-ci dəqiqəsində “Sumqayıt-2” komandasının 57 nömrəli futbolçusu Hüseyn Fərəcli ciddi qayda pozuntusuna görə birbaşa qırmızı vərəqə aldığı üçün 2 oyun cəzalanıb, “Sumqayıt-2” komandası 100 manat cərimə edilib.
“Turan Tovuz-2” – “Neftçi-2” oyununda “Turan Tovuz-2” komandasının 4 futbolçusu sarı vərəqə aldığı üçün “Turan Tovuz-2” komandası 70 manat cərimə edilib.
“Turan Tovuz-2” – “Neftçi-2” oyununa Təcili Tibbi Yardım avtomobili təyin edilmiş vaxtdan gec gəldiyinə görə “Turan Tovuz-2” komandası 200 manat cərimə edilib.
“Qarabağ-2” – “Sabah-2” oyununun 43-cü dəqiqəsində “Qarabağ-2” komandasının 3 nömrəli futbolçusu Sami Mmae hakimin qərarına etiraza görə ikinci sarıdan qırmızı vərəqə aldığı üçün 1 oyun cəzalanıb, “Qarabağ-2” komandası 250 manat cərimə edilib.
“Qarabağ-2” – “Sabah-2” oyununun 90+5-ci dəqiqəsində “Qarabağ-2” komandasının 28 nömrəli futbolçusu Allahverdi Rəhimov ikinci sarıdan qırmızı vərəqə aldığı üçün 1 oyun cəzalanıb, “Qarabağ-2” komandası 50 manat cərimə edilib.
“Qarabağ-2” – “Sabah-2” oyununun 43-cü dəqiqəsində “Qarabağ-2” komandası meydanı tərk etdiyinə, daha sonra geri qayıdaraq yenidən oyunu davam etdirdiyinə görə “Qarabağ-2” komandası 1000 manat cərimə edilib.
“Qarabağ-2” – “Sabah-2” oyununda “Sabah-2” komandasında 7 nəfər sarı vərəqə aldığı üçün “Sabah-2” komandası 70 manat cərimə edilib.
“Qarabağ-2” – “Sabah-2” oyunu bitdikdən sonra “Sabah-2” komandası tərəfindən paltardəyişmə otağına ziyan vurulduğuna görə stadiona dəymiş zərər “Sabah-2” komandası tərəfindən qarşılanacaq.
