Basketbol üzrə Azərbaycan Kubokunda 1/8 final mərhələsinə yekun vurulub.

Sports.az xəbər verir ki, ikinci oyun günündə daha iki qarşılaşma keçirilib.

Əvvəlcə "Gəncə" "Ordu" kollektivinə 81:62 hesabı ilə qalib gəlib. Ardınca "Neftçi" "Sumqayıt"ı 103:90 hesabı ilə üstələyib.

1/4 finalda "Gəncə" "Sərhədçi"yə, "Neftçi" isə "Sabah"a rəqib olub.

Ötən gün "Abşeron" "Quba"nı (96:94), NTD "Lənkəran"ı (87:73) məğlub edib. "Naxçıvan", "Sabah", "Sərhədçi" və "Şəki" komandaları mübarizəyə 1/4 finaldan start verəcəklər.