Azərbaycan idmançısından Avstriyada bürünc medal

Azərbaycan idmançısı Rəşid Süleymanov (75 kq) Avstriyanın Zalsburq şəhərində keçirilən "Karate-1" A Seriya turnirində bürünc medal qazanıb.

Sports.az xəbər verir ki, Azərbaycan millisinin üzvü fəxri kürsünün üçüncü pilləsinə yüksəlib.

Dünən millinin digər üzvü Hüseyn Məmmədli gümüş medal qazanmışdı.

Qeyd edək ki, "Karate-1" A Seriya turnirləri idmançıların dünya reytinqində xal toplaması baxımından böyük əhəmiyyət daşıyır.