Digər
Məşhur triatlon yarışı ilk dəfə Azərbaycanda keçiriləcək
02.10.2025 | 13:45
IRONMAN triatlon yarışı ilk dəfə Azərbaycanda keçiriləcək.
Sports.az xəbər verir ki, bu barədə "IRONMAN 70.3 BAKU" triatlon yarışının mətbuat xidməti məlumat yayıb.
Yarış 2026-cı il sentyabrın 5–6-da Bakıda keçiriləcək və "IRONMAN 70.3" triatlonu, "Fun Run 5 km" və "IRONKIDS" yarışlarını əhatə edəcək.
1.9 kilometrlik tək dövrədən ibarət üzgüçülük mərhələsi Xəzər dənizinin sahilində baş tutacaq. 90 kilometrlik velosiped mərhələsi 2 dövrədən ibarət olacaq. 3 dövrədən ibarət qaçış yarımmarafonu isə 21,1 kilometri əhatə edəcək.
2026-cı il sentyabrın 4–6-da sakinlər və qonaqlar üçün əyləncə proqramı, "IRONMAN EXPO" zonası təşkil olunacaq. Ziyarətçilər rəsmi IRONMAN məhsulları və digər idman ləvazimatlarını əldə edə biləcəklər.
Oxşar xəbərlər
Son xəbərlər
