“İnter Mayami” MLS çərçivəsində qarşılaşdığı “Atlanta Yunayted”ə böyük hesabla məğlub olub.

Sports.az xəbər verir ki, Lionel Messi bu matçda iştirak etməyib.

“İnter Mayami”nin baş məşqçisi Xerardo Martino Messini Argentina yığmasının oyunundan sonra qorumaq qərarına gəlib, həmçinin onun süni ot örtüyündə oynamasını istəməyib.

“Atlanta Yunayted”lə səfər matçı “İnter Mayami”nin 2:5 hesablı məğlubiyyəti ilə bitib. Bununla da Mayami təmsilçisi Messinin gəlişindən sonra ilk dəfə uduzub.