“Real”ın əsas qapıçısı Tibo Kurtua daha əvvəl, təqvimin sıx olması səbəbindən futbolçuların tətil edə biləcəyini bildirmiş, “Mançester Siti”nin ispan yarımmüdafiəçisi Rodrinin sözlərini dəstəkləyib.

Sports.az belçikalı qapıçının bu barədə fikrini təqdim edir:

“Rodri haqlıdır. Azarkeşlər ən yaxşıları meydanda görmək istəyirlər. Bizə, tarazlığı tapmaq gərəkdir, belə ki, qarşıda oyunlar var, zədəlilərin sayı isə daha da artır. Adamlar deyirlər ki, futbolçular çox qazanırlar, bizim isə şikayətə yerimiz yoxdur. Bu, doğrudur, amma biz tarazlıq tapmalıyıq, çünki ən yaxşı oyunçular həmişə meydanda ola bilməzlər”.