“Barselona” “Bayern”in 21 yaşlı almaniyalı hücumameylli yarımmüdafiəçisi Camal Musiala ilə maraqlanır.

Sports.az xəbər verir ki, “blauqrana”nın alman baş məşqçisi Hans-Diter Flik onun rəhbərliyi altında Münhen klubunda debüt etmiş Musialanı transfer etmək istəyir.

Futbolçunun özü də “Barselona”ya rəğbət bəsləyir, çünki uşaqlıqdan “blauqrana”nın keçmiş hücumçusu, argentinalı ulduz Lionel Messinin pərəstişkarı olub.

Bununla belə, vurğulanır ki, “Barselona” nəhayət Musiala ilə müqavilə imzalamağa qərar verərsə, Kataloniya nəhənginin klubun maaş fondunda yer boşaltmaqda fəsadları ola bilər.