“Barselona”nın İspaniya La Liqasının 35-ci tur ev oyunu çərçivəsində, may ayının 11-də “Real”la növbəti “el klasiko” oyununun keçiriləcəyi məkanla bağlı məsələ Kataloniya klubunun rəhbərliyinin baxışındadır.

Sports.az xəbər verir ki, təmirdə olan “Kamp Nou” inşaat işləri səbəbindən əlamətdar oyunu qəbul edə bilməyəcək, “blauqrana”nın hazırda ev oyunlarını keçirdiyi “Montjuik Olimpiya Stadionu” isə müəyyən səbəblərə görə əlçatan olmayacaq.

“Barselona”nın seçimlərindən biri kimi Londonun məşhur “Uembli” stadionu nəzərdə tutulub. 90 min nəfərlik tutuma malik “Uembli”nin “el klasiko” səviyyəsində oyunun qəbulu üçün mükəmməl şərtlərə malik olduğu vurğulanır.