“Yuventus”un hücumçusunun xidməti Rusiya klubuna təklif edildi

“Yuventus”un 31 yaşlı polyak mərkəz hücumçusu Arkadiuş Milikin xidməti Rusiyanın adı açıqlanmamış klubuna təklif edilib.

Sports.az xəbər verir ki, Milik “Qoca sinyora”nın gələcək planlarına daxil deyil.

Turin klubu ildə 1,8 milyon avro məbləğində əməkhaqqı alan futbolçunu tamhüquqlu əsasda satmağa meyllidir, belə ki, Milik “byankoneri”nin ən ödənişli futbolçularından biridir.