Felipe Melo keçmiş məşqçilərindən biri haqda xoşagəlməz rəy verdi

Braziliya millisinin keçmiş dayaq yarımmüdafiəçisi Felipe Melo “İnter”də niderlandlı mütəxəssis Frank de Burla işlədiyi dövrü xatırlayıb.

Sports.az xəbər verir ki, braziliyalı futbolçu niderlandlı mütəxəssis haqda xoşagəlməz rəyi ilə diqqət çəkib:

“O, futboldan heç vaxt heç nə anlamırdı. İtalyanca danışmırdı, hamıda ikrah doğururdu. De Bur üç ay duruş gətirdi, sonra isə hər yanda uğursuzluğa düçar olurdu. Tanrıya şükür ki, həmin il Pioli (Stefano Pioli, italyan mütəxəssis – redaktorun qeydi) gəldi”, deyə Melo xatırlayıb.