Dembele zədəli Qaviyə dəstəyini nümayiş etdirdi

PSJ-nin fransalı ulduz hücumçusu Usman Dembele “Barselona”nın ağır zədə almış ispan yarımmüdafiəçisi Qaviyə dəstəyini nümayiş etdirib.

Sports.az xəbər verir ki, Dembele bu barədə özünün sosial şəbəkə hesabı üzərindən yazıb:

“Güc diləyirəm, qardaşım! Ümidvaram, sən tezliklə bərpa olacaqsan, mən isə sənin meydanda necə oynadığını yenidən görə biləcəyəm. Bərk-bərk qucaqlayır və darıxıram!”, – Dembele duyğusalcasına paylaşıb.

Xatırladaq ki, menisk zədəsi səbəbilə cərrahi əməliyyata məruz qalmış Qavi 4-5 aylıq müddətə sıradan çıxıb.