Qapıçısı “Bayern”i tərk edəcək

Cari mövsümün sonuna qədər müddətdə “Bayern”dən icarə əsasında “Ştutqart”da çıxış edən 29 yaşlı alman qapıçı Aleksander Nübel Münhen klubundan tamhüquqlu əsasda ayrıla bilər.

Sports.az xəbər verir ki, əgər Almaniya nəhəngi münhenlilərin 39 yaşlı alman əsas qapıçısı Manuel Noyerlə müqaviləsinin müddətini uzatsa, Nübelin “Bayern”dən tamhüquqlu əsasda ayrılmasının ehtimalı birə beş artacaq.

Vurğulanır ki, bu halda keçidin məhz “Ştutqart”a baş tutacağına güman azdır, Nübel digər seçimlərə köklənməli olacaq.