“Yuventus”un yarımmüdafiəçisi MLS-ə keçə bilər

“Yuventus”un 27 yaşlı amerikan mərkəz yarımmüdafiəçisi Ueston Makkenni karyerasını vətəni ABŞ-da – MLS-də davam etdirə bilər.

Sports.az xəbər verir ki, Makkenninin xidmətində MLS-in adı açıqlanmayan iki klubu maraqlıdır.

Vurğulanır ki, keçidin gerçəkləşməsi ehtimalı yüksəkdir, belə ki, “Qoca Sinyora”, klubla müqaviləsinin müddəti 2026-cı ilin iyun ayında başa çatacaq amerikan futbolçu ilə yeni müqavilə imzalamağa təşəbbüs göstərmir.