“Barselona” əsas hücumçusu ilə vidalaşa bilər

Məlum olduğu kimi, “Barselona”nın 37 yaşlı polyak ulduzu, mərkəz hücumçusu Robert Levandovski omba zədəsi alıb.

Sports.az xəbər verir ki, yaranmış mənzərədə Kataloniya klubunun rəhbərliyi “Lyova” ilə cari mövsümün sonunda başa çatacaq müqaviləsini yeniləmək niyyətində deyil.

Belə təxmin edilir ki, Levandovski “blauqrana”nın düşərgəsini azad agent qismində tərk edəcək. “Barselona”nın “vuran ayaq” qəbilindən hücumçuların axtarışına baş vurması da, Kataloniya klubunun Levandovski ilə yollarını ayıracağını deməyə tutarlı əsas verir.